Франция 2026 жылы Украинаға қолдау көрсету үшін әскерін жіберуге дайын
Франция құрлық әскерлерінің басшысы Пьер Шильдің мәлімдеуінше, француз әскері 2026 жылы қауіпсіздік кепілдіктері аясында және қажет болған жағдайда Украинаға қолдау көрсету үшін күштерін орналастыруға дайын. Бұл туралы генерал 23 қазан күні Ұлттық жиналыстың қорғаныс комитеті отырысында айтты, деп хабарлайды Malim.kz DW-ге сілтеме жасап.
Париж өз одақтастық міндеттемелеріне адалдығын тағы да растады.
Шильдің бұл мәлімдемесі Францияның жоғары әскери басшылығы Ресеймен ықтимал қақтығысқа үш-төрт жыл ішінде дайын болу қажеттігін ескерткеннен кейін жасалды. Генералдың айтуынша, Франция одақтастық коалициялар құрамында әрекет етуге дайын болуы тиіс.
«2026 жыл коалициялар жылы болады», - деді ол.
Сондай-ақ келесі жылы Orion 26 атты ауқымды оқу-жаттығулар өткізілетінін, онда әскер түрлерінің, одақтастар мен министрліктердің өзара іс-қимылының тиімділігі сыналатынын қосты.
Фото: freepik.com
