Израиль Тегеран орталығында орналасқан нысандарға соққы жасады
2025 жылғы 23 маусымда Израиль Қорғаныс армиясы (ЦАХАЛ) Иран аумағына кезекті ауқымды шабуыл жасады, деп хабарлайды Malim.kz dw.com-ге сілтеме жасап.
Израиль қорғаныс министрі Исраэль Кацтың мәлімдеуінше, бұл жолы Тегеранның дәл ортасындағы «режимге тиесілі нысандар мен репрессивті мемлекеттік құрылымдар» бұрын-соңды болмаған күшпен соққыға ұшырады.
Министрдің айтуынша, шабуылға, атап айтқанда, Иран билігіне қарсы шыққан белсенділер ұсталып отырған Эвин түрмесі де іліккен.
Израиль Иранның артқы шепке жасаған әрбір шабуылы үшін жауап береді. Біз тылымызды қорғау және жауды жеңу үшін әрекеттерімізді жалғастырамыз, соғыс мақсатына толық жеткенше тоқтамаймыз, — деді Кац.
Осыған дейін Израиль ӘӘК (әскери-әуе күштері) Иранның батысындағы Керманшах қаласында орналасқан «жер-жер» класты зымырандардың ұшыру алаңдары мен қоймаларын атқылады. Бұл операцияға 15 жойғыш ұшақ қатысқан.
Сонымен қатар, Израиль әскері Иранның батыс, шығыс және орталық аймақтарындағы алты әскери аэродромға шабуыл жасап, 15 жойғыш ұшақ пен әскери тікұшақты жойған. ЦАХАЛ мәліметінше, ұшу-қону жолақтары мен жерасты ангарлары да қиратылған. Бұл шабуылдар арқылы Израиль Иранның әуе кеңістігіндегі бақылауын күшейтуді көздеп отыр.
Израиль армиясы ирандық режимнің әскери әлеуетін әлсіретуге бағытталған операцияларын жалғастырады, — делінген ЦАХАЛ мәлімдемесінде.
Фото: javanehha
Елімізде өмір сүру шығыны ең жоғары қалалар қандай?
Ең көп оқылған
