Трамп: Украинадағы соғысты тоқтатуға жақсы мүмкіндік бар

Трамп Путинмен келіссөздерден кейін Украинадағы соғысты аяқтауға “жақсы мүмкіндік” бар екенін мәлімдеді, деп хабарлайды Malim.kz.
Бұл қорқынышты, қанды соғыс ақыры аяқталуы мүмкін. Оған өте жақсы мүмкіндіктер бар”, – деп жазды АҚШ президенті Truth Social платформасында.
Ол бұл тақырып бойынша Ресей президенті Владимир Путинмен “өнімді” талқылаулар болғанын айтты.
Алайда бұл хабарламадан Трамп пен Путиннің тікелей сөйлескені ме, әлде Ресей президентінің арнайы өкіл Стивен Уиткоффпен кездесуі меңзеліп отыр ма – белгісіз.
Трамп сондай-ақ қазіргі уақытта “мыңдаған” украин әскери қызметшісі Ресей күштерімен толық қоршауға алынып, “өте қиын әрі осал жағдайда” тұрғанын атап өтті.
АҚШ президенті Путиннен Украина Қарулы Күштері сарбаздарының өмірін “аяуды” сұрағанын айтты.
Фото: Leah Millis/REUTERS
MalimBlocks
