Трамптың мәлімдемесінен кейін мұнай бағасы құлай бастады
Ол сол арқылы Украинадағы соғысты тоқтатқысы келеді
Бейсенбі күні АҚШ президенті Дональд Трамптың мұнай бағасын төмендету туралы мәлімдемесінен кейін мұнай бағасы күрт төмендеді. Бұл туралы interfax.ru жазды, деп хабарлайды Malim.kz.
Ол Сауд Арабиясы мен ОПЕК-тен мұнай бағасын төмендетуді сұраған. Оның айтуынша, егер мұнай бағасы төмендесе, Ресей мен Украина арасындағы қақтығыс бірден аяқталады. Ал қазір баға жеткілікті жоғары деңгейде екенін айтады.
Астана уақыты бойынша 21:35-тегі дерекке сәйкес, Лондондағы ICE Futures биржасында Brent маркалы мұнайдың наурызға арналған фьючерстерінің бағасы барреліне 78,42 долларды құрады, бұл алдыңғы сауда-саттық жабылу бағасынан 0,58 долларға (0,73%) төмен.
Ал Нью-Йорктегі тауар биржасында (NYMEX) наурыз айына арналған WTI маркалы мұнайдың фьючерстері осы уақытта 0,72 долларға (0,95%) төмендеп, барреліне 74,72 доллар болды.
Мұнай бағасы төмендей бастаған кезде, мен пайыздық мөлшерлемелерді дереу азайтуды талап етемін, – деп мәлімдеді Трамп.
Мұнай нарығы қатысушылары Астана уақыты бойынша 22:00-де жарияланатын АҚШ-тағы энергия ресурстары қоры бойынша апта сайынғы есептің жариялануын күтіп отыр.
Ал Трамптың сөзіне дейін мұнай бағасы өскен болатын.
Фото: freepik
Байланысты жаналықтар
MalimBlocks
Бәрі сотталады: шетелдегі соғыстарға қанша қазақстандық қатысқан?
1 сәуірде желіде Украинаға қарсы соғысқа қатысқан 660-тан аса қазақстандықтың аты-жөні бар тізім пайда болды. ҚР ІІМ бұл ақпарат расталмағанын айтып, тексеруді талап ететінін мәлімдеді. Tengrinews.kz редакциясы бұл мәселе бойынша ашық деректерді зерттеген
