Украина Ресейге жаңа келіссөздер өткізуді ұсынды
Украина Ресейге жақын күндері бітім орнату мәселесі бойынша жаңа келіссөздер өткізуді ұсынды. Бұл туралы 19 шілде күні кешке президент Владимир Зеленскийдің халыққа жасаған үндеуінде айтылды, деп хабарлайды Malim.kz DW-ге сілтеме жасап.
Украинаның Ұлттық қауіпсіздік және қорғаныс кеңесінің хатшысы Рустем Умеров ресейлік тарапқа 21 шілдеде басталатын апта ішінде кездесу өткізуді ұсынды. Келіссөздердің басты тақырыбы — атысты тоқтату режимін енгізу мүмкіндігі.
«Келіссөздер процесін жеделдету қажет. Бітімге қол жеткізу үшін барлық шараны қолдануымыз керек. Ресей тарапы шешімдерден жалтармай, нақты әрекетке көшуі тиіс», — деді Зеленский.
Аталған ұсыныс аясында тараптардың ресми жауабы мен келесі қадамдары әзірге белгісіз.
Фото: Valentyn Ogirenko/REUTERS
Ең көп оқылған
