Алматы облысында кісі өлтірді деген күдікпен ер адам ұсталды. Бұл туралы 2025 жылдың 8 мамырында облыстық полиция департаментінің баспасөз қызметі мәлімдеді, деп хабарлайды Malim.kz.
Ер адамның денесі 7 мамыр күні Қайрат — Байсерке теміржол өткелінде табылған.
Аталған жағдайға қатысты Алматы облысының Полиция департаментінің баспасөз қызметі пікір білдірді.
Жедел-іздестіру шараларының нәтижесінде ізін суытпай 49 жастағы күдікті ұсталып, уақытша ұстау изоляторына қамалды. Қазіргі уақытта қылмыстың барлық мән-жайын жан-жақты зерттеуге бағытталған тергеу әрекеттері жүргізіліп жатыр,- деді Алматы облысы полиция департаментінің ресми өкілі Меруерт Морякова.
Фото: ҚТЖ
