Алматыда туыстары мен жақындары актер Мұрат Бейсембинді ақтық сапарға шығарып салды. Бұл туралы Malim.kz хабарлайды.
Жаназа намазы қаладағы Орталық мешітте оқылды.
@malimkz Бүгін "Рекетир" фильмінде басты рөлді сомдаған белгілі актер Мұрат Бисембинмен қоштасу рәсімі өтті.
♬ оригинальный звук - Malimkz
Ауыр дертке шалдыққан “Рэкетир” фильмінің жұлдызы Мұрат Бисембин 54 жасқа қараған шағында өмірден өткені туралы хабарлаған едік.
Мұрат Бисембин 1972 жылы 11 қазанда Қызылордада дүниеге келген. Ол политехникалық институтты “ауыл шаруашылығының инженер-механигі” мамандығы бойынша тәмамдап, кейін Алматыдағы Өнер академиясын бітірген.
Экрандағы дебюті қазақ-ресейлік “Каждый взойдет на Голгофу” сериалындағы эпизодтық рөлден басталды. Кейін “Рэкетир” фильмінде Руслан болып ойнап, Қазақстан көрермені арасында кеңінен танылып, үлкен танымалдыққа ие болды. Сондай-ақ ол “Томирис”, “Барлық әлем біздің аяқ астымызда”, “Книга легенд: Таинственный лес”, “Ағалар”, “Брат или брак”, “Сіз кімсіз, Ка мырза?” және басқа да көптеген фильм мен сериалдарда ойнаған.
