Алматыда нөсер жаңбыр кезінде ер адам арыққа құлап, көз жұмды. Алдын ала мәлімет бойынша, ол оқиға сәтінде мас күйде болған, деп хабарлайды Malim.kz.
Бұған дейін әлеуметтік желілерде арықтан ер адамның денесі табылғаны туралы ақпарат тараған. Алдын ала дерекке сәйкес, оны су ағысы құбыр бойымен ағызып әкеткен. Коммуналдық қызметтер бітелісті тазалау кезінде қоқыстың орнына адамның мәйітін анықтаған.
Полицияның хабарлауынша, ер адам жаңбыр кезінде алкогольдік масаң күйде тепе-теңдігін жоғалтып, арыққа құлаған.
Алдын ала анықталғандай, ер адам алкогольдік масаң күйде арыққа құлап, алған жарақаттарының салдарынан оқиға орнында көз жұмған, – деп мәлімдеді Алматы қалалық полиция департаменті.
Аталған факті бойынша қылмыстық іс қозғалып, қажетті тергеу амалдары жүргізіліп жатыр.
