Алматыдағы коронавирус ошағы ретінде оқшауланған 66 зона қайта ашылды. Бұл туралы қалалық коммуникациялар қызметі хабарлады.
«Алматының тауарлар мен көрсетілетін қызметтердің сапасы мен қауіпсіздігін бақылау департаментінің мәліметінше, Алматы территориясында байланысқа түскен адамдар арасында коронавирусқа сай келетін клиникалық симптомдар анықталуы мүмкін деген уақыт – оқшаулау кезеңінің аяқталуына байланысты 66 зонадан шектеулер алынды», -делінген хабарламада.
Бұл қайта ашылған зоналар Әуезов, Алмалы, Бостандық, Медеу, Жетісу, Түркісіб, Наурызбай аудандарында орналасқан.
Кешегі соңғы мәліметтерге сәйкес, қала бойынша 212 ауру ошағы анықталған. Қазір Әуезов ауданы – 47, Алатау – 15, Бостандық – 30, Түркісіб – 27, Жетісу – 18, Наурызбай – 17, Алмалы – 15 оқшауланған зона бар.
