Досановқа жауап: Назарбаев тапсырмасы орындалмаған

Malim Админ

  • 19.02.2020

Бүгін Алматы қаласының әкімі тұрғындармен кездесіп, есеп беріп жатыр. Қала тұрғындары өздерін алаңдатқан сауалдарына тиісті жауаптарын алуда. Сұрақ қоюшылардың арасында Мемлекеттік сыйлықтың лауреаты, жазушы, Назарбаевтар әулетінің құдасы Сәбит Досанов та болды.

Сәбит Досанов алдымен халықтың Сағынтаевқа риза екенін айтты. Екінші «әл-Фарабиден бастап Нұрлан Оразалин, Дулат Исабековтердің (ақын-жазушылардың – М) сөзін көшегі іліп қойса дұрыс болар еді, ұрпаққа үлгі» деді. Үшінші айтқаны сұрақ болды: Қаладағы кептеліс қалай шешіледі? Алматының экологиясына зиян келтіріп жатқан түтіннен қалай құтыламыз, газдандыру жұмысы жүре ме?

Бақытжан Сағынтаев бірден жауап берді.

«Түтіннен қалай құтыламыз деген сауал – жалпы қала тұрғындарының алаңы. Бұл сұраққа көп назар аудардық. Әкім боп тағайындалып, Алматыға келе жатқанда осындағы жолдастарымнан қала тұрғындарын не алаңдатады екен деп сұрадым. Олар маған халыққа қойылған сауалнаманың нәтижесін бердім. Сонда көзім жеткен қала тұрғындарының алпыс пайызын экология мәселесі алаңдатады екен. Сол күннен бастап осы мәселеге жіті назар салдым. Әкім боп келгеннен кейін, екінші күні-ақ  ЖЭС-2-нің жұмысымен таныстым.  Оны газға көшіруге бола ма деген сауалды да қойдым. Білесіздер, ондағы қазандықтар жердің астында орналасқан.

«Самұрық-Қазына», «Самұрық-Энерго» компанияларымен сөйлестік. 2017 жылы Елбасы Нұрсұлтан Назарбаев Алматыға келіп, кеңес өткізгенде, осы мәселені айтып, ЖЭС-2-ні газға көшіруге тапсырма берген екен. Бірақ «Самұрық-Энерго» компаниясы жұмыстың алғашқы қадамдарын жасағанмен, ЖЭС-2-ні газға әлі көшірген жоқ. Олардың айтуынша, қалаға газ келсе, тариф қымбаттайды екен. «Оған халық дайын ба?» дейді. Қазір қалада жолақасы – 80 теңге. Басқа дүниелер қымбаттаса да, біз тұрғындарымызға бюджеттен ақша бөліп, осындай жағдай жасадық. Керек болса, газ мәселесіне де осындай жағдай жасауға дайынбыз. «Ол біздің шаруамыз, газдандыру жұмысын бастайық» дедім.

Кептеліс мәселесі де көп айтылған, шешу жолдары көп қарастырылған тақырып.  Қазір ЖЭС-2 жөнінде мәселені нақты білеміз. Енді кептеліс мәселесін де солай анық шешіп алуымыз керек. Қазір Мәскеуден мамандар шақырып, кептелісті шешуді ойластырып жатырмыз. Бұл бір күннің шаруасы емес. Оған ақылдасуымыз керек», – деді әкім.

Коллаж: malim.kz

КӨШІРІП БАСУҒА БОЛМАЙДЫ!

Байланысты жаналықтар

Назарбаев Мәсімовтің артында кім тұрғанына жауап берді

20.11.2022

Жаңа жолдауды ескіше қолдау

02.09.2020

Жаңа ғасырдан Жаңа Қазақстанға дейін: Рим папалары Назарбаевқа не айтты, Тоқаевқа не айтты?

15.09.2022

Сағынтаевтың кеңесшісі жаңа қызметке тағайындалды

08.06.2020

Қытайша білетіндер сенат спикері болады...

03.05.2020

Бұған дейінгі сайлаулардың уақыты құпия болатын

21.09.2022
MalimBlocks
Назарбаев Мәсімовтің артында кім тұрғанына жауап берді

Мәсімов менімен ұзақ уақыт бірге жұмыс істеді

Жаңа жолдауды ескіше қолдау

Жаңа ғасырдан Жаңа Қазақстанға дейін: Рим папалары Назарбаевқа не айтты, Тоқаевқа не айтты?

2001, 2022 жылдары Рим папасы Қазақстанға келді. Әр жылдары Рим папасы болған Иоанн Павел ІІ мен Францискке Қазақстан президенттері не айтты?

Сағынтаевтың кеңесшісі жаңа қызметке тағайындалды

Қытайша білетіндер сенат спикері болады...

Бұған дейінгі сайлаулардың уақыты құпия болатын

Кезектен тыс президент сайлауына байланысты Қасым-Жомарт Тоқаевтың үндеуі жарияланған соң бұқаралық ақпарат құралдарына осы мәселеге қатысты сарапшылар пікірлерін білдіре бастады.