Қазақстанда ипотекаға алынған пәтерді жалға беру заңсыз деп саналады, - деп хабарлайды Malim.kz тілшісі Информбюроға сілтеме жасап.
Банктен рәсімдеген баспанаңды жалға беріп табыс табу үшін әуелі банктің өзінен рұқсат сұрау керек екен. Олай болмаған жағдайда айыппұл салынады. Заңгерлердің айтуынша, мемлекеттік бағдарламамен алған үйді жалға берсең мәселе тіптен қиын. Ешкімге ескертпей өткізіп жүргеніңізді біліп қойса, үйді тартып алуы мүмкін.
"Пәтерді жалға беретін болсаңыз сіз өзіңізге пайда көріп отырсыз дегенді, яғни бұл коммерциялық түсінікті білдіреді. Сондықтан жалға берілген пәтерден тапқан табысыңызды мемлекетке салық төлеуіңіз керек. Сондықтан бұл әрекет заңсыз болып саналады", - деді заңгер Алина Шынтаева.
Фото: Pixabay.com
