«Мешіттен шыққан» педофил.  Мүфтият неге күдікке іліне береді?

Ол тоғыз жастағы екі жеткіншекті қараусыз қалған ғимаратқа апарып зорлаған

Malim Админ

  • 13.05.2022

Жамбыл облысы Шу ауданының тұрғыны  3-сынып оқушыларын зорлап, ойына келгенін істеген. Бұқаралық ақпарат құралдарында  азғындық әрекетті жасаған Бірлік ауылының  30 жастағы тұрғыны екені жазылды. Ол тоғыз жастағы екі жеткіншекті қараусыз қалған ғимаратқа апарып зорлық қылған.


Тергеу барысында анықталғандай, оқиға наурызда болған. Бұл жөнінде зардап шеккендердің бірінің анасы мәлім етті. Оның тоғыз жастағы ұлы ауруханаға түскен, дәрігерлер бала ауыр жарақат алғанын анықтапты. Үшінші сынып оқушыларына әлімжеттік жасады деген күдікті қазір  қамауда.

Жамбыл облысы ПД баспасөз хатшысы Гүлсара Мұхтарқұлова«Полиция қызметкерлерімен жедел іздестіру шараларын жүргізгенде Шу ауданының 30 жастағы тұрғыны ұсталды. Бұл дерек бойынша ҚР ҚК 12-бабының 4-бөлігімен соталды тергеп-тексеру басталды. Күдіктіге қатысты Шу ауданының соты қамауға алу бұлтартпау шарасын бекітті", - деп мәлімет берді.  

Бейресми деректерде күдікті деп танылған ер адам жергілікті мешіттердің бірінде имамның көмекшісі болғаны айтылды. Бірақ ауылдың бас имамы бұл деректі жоққа шығарып, қоластында ондай қызметкер мүлдем болмағанын жеткізді.Азғындық іске қатысты делінген азамат бұған дейін де мектеп оқушыларына қысым көрсеткен деген сыбыс бар.

Malim.kz  тілшісі  Қазақстан Мұсылмандар діни басқармасына хабарласып, күдіктінің имам көмекшісі болған, болмағаны жөнінде сұрап білді. Басқарманың баспасөз қызметі бұл ақпараттың шындыққа жанаспайтынын айтады.

«Зорлықшы Шу ауданы, Бірлік ауылының  1992 жылы дүниеге келген, еш жерде жұмыс жасамайтын ауыл тұрғыны.  Мешітке кейде келіп жүргені болмаса, мешіттің діни рәсімдеріне қатысы жоқ. Жамбыл облысында мешіт қызметкері ретінде тіркелмеген», дейді ҚМДБ. 

Ал Бірлік ауылының әкімі Нұрбек Қарауылов айыпталған азаматтың  мешітке барып жүрген жамағаттың бірі екенін айтады. Бұл шағын ауыл. Күдікті қара жұмыспен айналысады. Кеше ауылда жалпы жиналыс өтті. Облыстан прокурорлар, психологтар келіп мәселені бақылауға алды деп жауап берді.

Облыстық "Һибатулла Тарази" мешіті БАҚ-тың жоғарыда аталған ауыл тұрғынын мешіт көмекшісі деп айтқанын  теріске шығарды.  Басқарма  өкілдері «ҚМДБ құрылымындағы діни лауазымдар тізілімі және міндеттері» басылымында "мешіт көмекшісі" деген лауазым жоқ деп отыр.

Мұндай азғындық әрекеттер елімізде аз болып жатқан жоқ. Ең сорақысы, қиянатты іске барған азаматтың мешіт жамағатының бірі болғаны. Осыдан біраз уақыт бұрын Қарағандыда да қаршадай қызды мешіт имамы зорлап, облыстың бас имамы азғынды мүфтият бекіткен имам емес деп мәлімдеген-ді. Дегенмен ауылдағылар оны діни жоралғыларды өткізуге шақырып, ауыл молдасына айналдырып алғанын айтқан. Блогер Айсұлтан Жақып та айыпталушының имам болып жұмыс істегенін әшкерелеген болатын. Осыдан соң облыстың бас имамы Өмірзақ қажы Бекқожа: "Ол имам болып барған жоқ, тек сынақ мерзіміне діни өкіл ретінде ғана жіберілген", – деп күлбілтелеп жауап берген. 

Шудағы арсыздыққа себепкер болған тұрғын да мешітке келіп уағыз тыңдап жүрген адам. Мүфтият жоққа шығарғанымен бұл іс те Қарағандыдағы жағдайдың керін кимей ме? Бір кездері ҚМДБ-ның өкілі Бақтыбай Бейсенбаев діни қызметкерлердің 50 пайызының білімі төмендігін,  сондықтан діни басқарма оқуды жаңа бітірген жастарды да ауылдарға имам етіп жіберуге мәжбүр екенін айтқан еді. Бүгінгі таңда имамы жоқ шалғай ауылдар да көп екені БАҚ-та жиі жазылып жүр.Сондықтан, ҚМДБ ауыл мешіттерін жіті тексеруі қажет. Әйтпесе, Шудағыдай бір күні мешітке барып, екінші күні бала зорлайтындарға тоқтам болмас. 

О.Әбіл   

Байланысты жаналықтар

Боранбаевты қолдаушылар қатарына Паралимпиада комитеті мен Қайрат футбол клубы қосылды

01.04.2022

Жамбыл облысында мектеп оқушылары зорланған. Тергеу басталды

13.05.2022

Қаңтар құрбанының жесірі: «Қазақстан халқына» қорынан қайыр жоқ»

16.05.2022

Қаңтар оқиғасы кезінде 1700 адам зардап шеккен

04.04.2022

Ақмолалық ХҚКО-лар мүгедектерден заңсыз баж салығын алған

16.08.2022

Сыбайлас жемқорлық. "Самұрық-Қазына" мәлімдеме жариялады   

04.03.2022
MalimBlocks
Боранбаевты қолдаушылар қатарына Паралимпиада комитеті мен Қайрат футбол клубы қосылды

Қазақстан Ұлттық Паралимпиада комитеті мен алматылық Қайрат футбол клубының ұжымы Қасым-Жомарт Тоқаевқа хат жазып, экс-президенттің экс-құдасы, миллиардер Қайрат Боранбаевтың тергеу ісін ашық әрі әділ өткізуді сұрады.

Жамбыл облысында мектеп оқушылары зорланған. Тергеу басталды

Күдіктінің жергілікті мешіттердің бірінде имамның көмекшісі болғаны айтылды.

Қаңтар құрбанының жесірі: «Қазақстан халқына» қорынан қайыр жоқ»

Ерғалиды снайперлер алдымен санынан, сосын бауырынан атқан

Қаңтар оқиғасы кезінде 1700 адам зардап шеккен

Соттың санкциясымен күдіктілер қамауға алынды

Ақмолалық ХҚКО-лар мүгедектерден заңсыз баж салығын алған

Жеке куәліктер мен  паспорттар бергені үшін негізсіз салық салған

Сыбайлас жемқорлық. "Самұрық-Қазына" мәлімдеме жариялады   

"Самұрық-Қазына" АҚ, "Самұрық Энерго" және "Қазақстан темір жолы" компанияларының кейбір басшыларына қатысты тергеу жүріп жатыр