Қазақстанда бай адамдар кімдер? Forbes тізімі жаңартылды

Forbes журналы Forbes World’s Billionaires 2025 деп аталатын әлемдегі ең бай адамдардың жаңартылған рейтингін жариялады. Бұл тізімге жиынтық байлығы 38,8 миллиард долларға жеткен жеті қазақстандық бизнесмен кірді, - деп хабарлайды Malim.kz тілшісі. 

FORBES РЕЙТИНГІНДЕГІ ҚАЗАҚСТАНДЫҚТАР: КӨШ БАСЫНДА КІМ ТҰР?

Ulysmedia.kz мәліметінше, Қазақстандық миллиардерлер арасында көшбасшылық орынды сақтап қалған — Вячеслав Ким. Оның байлығы 7,1 миллиард долларға жетіп, әлемдік рейтингте 464-орынға көтерілді (былтырғы жылы 511-орында болған). Кимнің капиталы бір жылда 1,3 миллиард долларға артты, осылайша ол Қазақстанның ең бай кәсіпкері атағын сақтап қалды.

ЕКІНШІ ОРЫНДАҒЫ ҚАЗАҚСТАНДЫҚ МИЛЛИАРДЕР

Кимнің серіктесі Михаил Ломтадзе Қазақстан миллиардерлері арасында екінші орында тұр. Оның байлығы 5,9 миллиард долларды құрап, ол әлемдік рейтингте 597-орынды иеленді.

Ким де, Ломтадзе де қазақстандық алпауыт “Kaspi.kz” компанисының тең құрылтайшылары. 

ТОҚТАУСЫЗ ӨСУ: ТИМУР ТУРЛОВТЫҢ ТАБЫСЫ

Рейтингтегі ең айтарлықтай серпілісті “Freedom Holding” иесі Тимур Турлов жасады. Оның байлығы дерлік екі есеге артып, 3,3 миллиард доллардан 5,8 миллиард долларға жетті. Әлемдік тізімде Турлов бірден 991-орыннан 605-орынға көтеріліп, көптеген танымал кәсіпкерлерді басып озды.

Егер Тимур Русланұлы мұхиттың арғы бетінде өмір сүрсе, жергілікті БАҚ оның өмірбаянын «америкалық арманның» жарқын үлгісі ретінде жарыса жазар еді.

Болашақ олигарх 1987 жылы Мәскеуде дүниеге келген, бай-бағланның емес, қарапайым отбасында өскен. Өз естеліктеріне сенсек, анасы екеуі Мәскеу түбіндегі Лобня қаласында тұрған, ал өзі жасөспірім кезінде бай болуды армандаған. Алғашқы инвестициясын Мәскеудің банкаралық валюта биржасына салған, бірақ Турловтың бір сұқбатында айтқанына қарағанда, бұл инвестициялар сәтсіз болған.

Ол Алматыға 2011 жылы отбасымен бірге көшіп келген.

ТӨРТІНШІ ОРЫНДА ТАҒЫ КИМ

“KAZ Minerals” және “Қазақмыстың” акционері Владимир Ким. Өткен жылы оның байлығы 3,6 миллиард долларға бағаланса, биыл 5,7 миллиард долларға дейін өсті, бұл оған рейтингте 896-шы орыннан 620-шы орынға көтерілуге мүмкіндік берді.

ШАХТАДАҒЫ АПАТ

Биыл 17 ақпан күні кешке Ұлытау облысының Жаңаарқа ауданындағы дәл осы Владимир Кимге тиесілі "Қазақмыс" корпорациясының "Жомарт" кенішінде тау-кен массасы құлаған. Сол жерде шахтаның жеті қызметкері болды. Кабельдердің үзілген соң жұмысшылармен байланысу мүмкін болмаған.

ТИМУР ЖӘНЕ ДИНАРА ҚҰЛЫБАЕВТАР

Біздің отандастарымыз арасында рейтингтің бесінші және алтыншы орнын «Алмэкс» холдингтік тобының басшысы және тең иесі Тимур Құлыбаев пен оның жұбайы Динара Құлыбаева иеленді. Ғаламдық рейтингте олар бір орынды — 673-ші орынды (2024 жылы 612-ші орын) бөлісіп тұр. Құлыбаевтардың байлығы әрқайсысында 5,3 миллиард доллар деп бағаланады (бір жыл бұрын әрқайсысында 5 миллиард доллар болған).

ҚАЗАҚСТАНДЫҚ МИЛЛИАРДЕРЛЕР АРАСЫНДАҒЫ СОҢҒЫ ОРЫН 

Forbes тізімінде “ForteBank” акционері Болат Өтемұратов тұр. Оның байлығы бір миллиард долларға артып, 3,7 миллиард долларға жетті, ал әлемдік рейтингте 1238-ші орыннан 979-шы орынға көтерілді.

ӘЛЕМДЕГІ ЕҢ БАЙ 7 ТҰЛҒА

Әлемдегі ең ауқатты жетеудің көшін Илон Маск бастады. 53 жастағы кәсіпкердің байлығы 342 миллиард долларды құрайды. Одан кейін Meta негізін қалаушы Марк Цукерберг 216 миллиард доллармен және Amazon-ның негізін қалаған Джефф Безос 215 миллиард доллармен жайғасты.

Рейтингтің 4-7 орындары мынадай:

Ларри Эллисон – Oracle корпорациясының негізін қалаушы, директорлар кеңесінің төрағасы, техникалық жетекші. Байлығы – 192 млрд доллар.

Бернар Арно – әлемге әйгілі Louis Vuitton мен Sephora-ны қамтитын LVMH сән және косметика империясының иесі. Байлығы – 178 млрд доллар.

Уоррен Баффет – инвестиция әлеміндегі ең табысты кәсіпкерлердің бірі. Байлығы – 154 млрд доллар.

Ларри Пейдж – Google-дың бас компаниясы Alphabet-тің экс-атқарушы директоры. Байлығы – 144 млрд доллар.

Фото: Коллаж Malim.kz