23 мамыр күні Астанада Мемлекеттік қызметшілер күніне орай жергілікті атқарушы органдардың қызметкерлері арасында спартакиаданың салтанатты ашылу рәсімі өтті, деп хабарлайды Malim.kz.
Іс-шараның басты мақсаты – мемлекеттік қызметшілер арасында салауатты өмір салтын насихаттау, бұқаралық спортты дамыту, командалық рухты нығайту және әріптестік байланысты арттыру.
Спартакиаданың ашылу салтанаты Астана қаласындағы Жекпе-жек сарайы ғимаратында сағат 10:00-де басталады.
Жарыс бағдарламасына волейбол, шағын футбол, шахмат, жүзу, киберспорт, қазақ күресі, үстел теннисі, тоғызқұмалақ және стритбол секілді спорт түрлері енгізілген.
Спартакиадаға Астана қаласының жергілікті атқарушы органдарында қызмет ететін мемлекеттік қызметшілер қатысып, түрлі спорт бағыттары бойынша өзара бақ сынайды.
