Астанада үш құрылысшы жарақат алды – олар Attila тұрғын үй кешенінің шамамен бесінші қабатынан құлап кеткен, деп хабарлайды Malim.kz.
Полицияның хабарлауынша, жұмысшылар құрылыс люлькасымен бірге құлаған. Оқиға бойынша қылмыстық іс қозғалды.
Жарақат алғандардың бірінің ұлының айтуынша, оқиға 18 қарашада болған, құлау биіктігі шамамен 15 метрді құраған. Ер адамдар Ұлттық шұғыл медициналық көмекті үйлестіру орталығына жеткізілді.
1981 және 1997 жылы туған екі адамның жағдайы ауыр деп бағалануда. Үлкен науқасқа бас сүйегіне күрделі операция жасалды. Ал 1984 жылы туған үшінші зардап шегушінің жағдайы орташа деп хабарланды.
