Боксшы Жанқош Тұраровтың әйелі Клара Иса әлеуметтік желіде көпшіліктің көкейіндегі сұраққа жауап берді, деп хабарлайды Malim.kz.
Боксшының әйеліне бір оқырманы "Әлі ажыраспадыңдар ма не?" деген сауал қойды.
"Ойлап көріңізші, жоқ", – деп әзілмен жауап қайтарды боксшының әйелі.
Клара Иса күйеуімен танысқан сәтін еске алды.
"Instagram әлеуметтік желісі арқылы таныстық. Бір жарым жыл телефонмен сөйлесіп жүрдік. Кейін кездестік. Алғашқы кездесуіміз бір жарым жылдан кейін мейрамханада болды. Төрт жыл таныстықтан соң шаңырақ көтердік. Екі жарым жыл қыз бен жігіт болып жүрдік. Үйленуге ұсыныс жасады", - деп жазды Жанқош Тұраровтың келіншегі.
