ҚР Әділет вице-министрі Ботагөз Жақселекова 2023-2024 жылдары жаңа партияны тіркеу бойынша 17 өтініш түскен айтты.
Бүгін Сенат кулуарында журналистер вице-министрден партия ретінде тіркеуден өте алмай жатқандар туралы сұрады.
«2023-24 жылдары әртүрлі топтан тіркеуге 17 өтініш түсті. Бірақ шешім әлі қабылданбады. Олардың әрқайсысы туралы мен қазір жауап бере алмаймын. Нақты айта алатын жалғыз нәрсе - партияларды тіркеуден бас тартудың негізгі себептерінің қатарында рәсімдеу шарттарының сақталмауы, тұлғалар тізімі», - деп жауап берді вице-министр.
Сондай-ақ, жаңа «Yntymaq» партиясын қашан тіркеуге болады деген сұраққа:
«Министрлікке түрлі бастамашыл топтардан ұсыныстар түсіп отырады. Yntymaq партиясын тіркеуге қатысты тиісті рұқсат берілді. Қазір тіркеуге тікелей тапсыру үшін құжаттарын дайындап жатыр», - деп жауап берді Жақселекова.
Фото: Ашық дереккөзден
