7 қарашада Қазақстанның бірқатар өңірінде жаңбыр мен қар жауып, тұман түседі. Солтүстік және батыс облыстарда көктайғақ күтілсе, оңтүстікте жылы ауа райы сақталады, деп Malim.kz тілшісі Қазгидрометкесілтеме жасап хабарлайды.
Үш мегаполистегі ауа райы
Астана. Түнде және күннің бірінші жартысында жаңбыр жауады. Оңтүстік-батыстан жел соғады, жылдамдығы 9–14 м/с. Ауа температурасы түнде +3…+5°C, күндіз +7…+9°C.
Алматы. Жауын-шашынсыз, түнде және таңертең тұман түседі. Оңтүстік-шығыстан соғатын желдің жылдамдығы 3–8 м/с. Түнде +3…+5°C, күндіз +16…+18°C.
Шымкент. Таңертең және күндіз жаңбыр жауады. Оңтүстік-шығыстан 5–10 м/с жел соғады. Түнде +10…+12°C, күндіз +21…+23°C жылы болады.
17 облыс бойынша болжам
Ақмола облысы. Түнде жаңбыр мен қар жауып, батысы мен солтүстігінде көктайғақ күтіледі. Батысында, солтүстігінде және шығысында тұман түседі. Күндіз солтүстік, оңтүстік және шығыс аудандарда жаңбыр жауады. Оңтүстік-батыстан жел соғады: 9–14 м/с, түнде оңтүстігі мен шығысында 15–20 м/с. Температура түнде 0…+5°C, батысы мен солтүстігінде −3°C; күндіз +4…+9°C.
Ақтөбе облысы. Солтүстік-батысы мен солтүстігінде аздаған жаңбыр мен қар, көктайғақ күтіледі. Оңтүстігі мен орталығында тұман түседі. Оңтүстік-батыстан 9–14 м/с жел соғады. Түнде −1…−6°C, батысында +2°C, күндіз +3…+8°C.
Алматы облысы. Жауын-шашынсыз. Таулы аудандарда түнде және таңертең тұман болады. Оңтүстік-шығыстан соғатын желдің жылдамдығы 9–14 м/с, оңтүстігі мен таулы аудандарда екпіні 15–20 м/с. Түнде 0…+5°C, тауда −3…−8°C; күндіз +15…+20°C, тауда +7…+12°C.
Атырау облысы. Түнде жауын-шашынсыз, күндіз солтүстігі мен шығысында аздаған жаңбыр жауады. Батысы мен оңтүстігінде түнде және таңертең тұман күтіледі. Оңтүстік-шығыстан 9–14 м/с жел соғады. Ауа температурасы түнде 0…−5°C, күндіз +6…+11°C.
Батыс Қазақстан облысы. Түнде батысында, солтүстігінде және шығысында жаңбыр мен қар, тұман және көктайғақ күтіледі. Күндіз батысы мен солтүстігінде жаңбыр жауады. Солтүстік-батыстан жел соғады: 9–14 м/с, күндіз солтүстік, шығыс және оңтүстік аудандарда екпіні 15–20 м/с. Түнде 0…+5°C, солтүстігі мен шығысында −2°C; күндіз +3…+8°C.
Жамбыл облысы. Таулы аудандарда тұман күтіледі. Оңтүстік-шығыстан соғатын желдің жылдамдығы 9–14 м/с, оңтүстік-батыста, солтүстік-шығыста және таулы жерлерде 15–20 м/с. Түнде +5…+10°C, солтүстігі мен тауда −1°C; күндіз +16…+21°C, тауда +12°C. Жауын-шашын күтілмейді.
Жетісу облысы. Жауын-шашынсыз, таулы аудандарда тұман түседі. Оңтүстік-шығыстан 9–14 м/с жел соғады, Алакөл көлдері маңында екпіні 15–20 м/с. Температура түнде 0…+5°C, тауда −3…−8°C; күндіз +15…+20°C, таулы аудандарда +10°C.
Қарағанды облысы. Түнде батысы мен солтүстігінде жаңбыр және қар, күндіз батысында, солтүстігінде, шығысында жаңбыр жауады. Түнде және таңертең осы аудандарда тұман күтіледі. Оңтүстік-шығыстан жел соғады: 9–14 м/с, оңтүстігі мен орталығында 15–20 м/с. Түнде +2…+7°C, батысында −2°C; күндіз +5…+10°C.
Қостанай облысы. Түнде оңтүстік-шығысында қар жауып, көктайғақ болады. Солтүстігі мен шығысында тұман түседі. Күндіз жауын-шашынсыз. Оңтүстік-батыстан 9–14 м/с жел соғады. Ауа температурасы түнде −3…−8°C, күндіз 0…+5°C.
Қызылорда облысы. Түнде солтүстік және шығыс аудандарда жаңбыр мен қар күтіледі. Күндіз жауын-шашынсыз. Оңтүстік-шығыстан 9–14 м/с жел соғады. Түнде +1…+6°C, батысы мен солтүстігінде −2°C үсік; күндіз +10…+15°C, солтүстігінде +7°C.
Маңғыстау облысы. Түнде жауын-шашынсыз, солтүстігінде тұман күтіледі. Күндіз жаңбыр жауып, орталығында кей уақытта қатты жаңбыр болады. Оңтүстік-шығыстан жел соғады: 9–14 м/с, күндіз батысы мен орталығында екпіні 15–20 м/с. Түнде +1…+6°C, солтүстігінде −4°C; күндіз +6…+11°C.
Павлодар облысы. Түнде батысы мен солтүстігінде, күндіз облыс аумағында жаңбыр мен қар жауады. Солтүстік және шығыс аудандарда тұман күтіледі. Оңтүстіктен соғатын желдің жылдамдығы 9–14 м/с, батысында, оңтүстігінде және шығысында 15–20 м/с. Түнде +1…+6°C, шығысында −2°C; күндіз +3…+8°C.
Солтүстік Қазақстан облысы. Түнде шығысы мен оңтүстігінде жаңбыр және қар, солтүстігінде аздаған жауын-шашын күтіледі. Солтүстік, шығыс және оңтүстік аудандарда көктайғақ болады. Түнде және таңертең батысында, солтүстігінде, оңтүстігінде тұман түседі. Күндіз жауын-шашынсыз. Оңтүстік-батыстан түнде 15–20 м/с, күндіз 9–14 м/с жел соғады, жекелеген аудандарда екпіні 15–20 м/с. Түнде −3…−8°C, шығысында +1°C; күндіз +1…+6°C.
Түркістан облысы. Оңтүстігінде, батысында және таулы аудандарда жаңбыр жауады. Тауда тұман күтіледі. Оңтүстік-шығыстан жел соғады: 8–13 м/с, таулы аудандарда екпіні 15–20 м/с. Түнде +10…+15°C, солтүстігі мен тауда +5°C; күндіз +18…+23°C, тауда +15°C.
Ұлытау облысы. Түнде солтүстігінде, оңтүстігінде және шығысында жаңбыр мен қар жауады. Түнде және таңертең батыс, солтүстік және шығыс аудандарда тұман түседі. Күндіз жауын-шашынсыз. Солтүстік-батыстан 9–14 м/с жел соғады. Түнде +1…+6°C, батысында −2°C; күндіз +8…+13°C.
Абай облысы. Түнде жауын-шашынсыз, солтүстігі мен шығысында тұман болады. Күндіз батысы мен солтүстігінде жаңбыр жауады. Оңтүстік-шығыстан 9–14 м/с жел соғады, оңтүстігі мен орталығында екпіні 15–20 м/с. Түнде −1…−6°C, батысында +2°C; күндіз +7…+12°C.
Шығыс Қазақстан облысы. Жауын-шашынсыз. Оңтүстік-шығыстан соғатын желдің жылдамдығы 9–14 м/с, солтүстігінде, оңтүстігінде және орталығында 15–20 м/с, күндіз екпіні 23–28 м/с-қа жетеді. Түнде −1…−6°C, таулы аудандарда −10°C; күндіз +7…+12°C, тауда +3°C.
