Алматы қаласының бас санитары Жандарбек БЕКШИН қай сыныптың оқушылары мектепке баратынын айтты. Әзірге жаңа оқу жылында 1-2 сыныптың балалары мектеп табалдырығын аттайды. Бұл туралы МӘЛІМ КЗ сайты хабарлайды.
«Алматы үлкен қала. Келетін қонақтары да аз емес. Бәрінен де балалрдың денсаулығы қымбат екенін түсінуіміз керек. Балалар ауырса коронавирус белгілері байқалмайды. Және олар жүрген жерінде жұқтырып жүретін болады. Қазірдің өзінде 360 аса бала Алматы қаласында ауырып жатыр», - деді Жандарбек Бекшин.
Алайда, бұл оқушылар мүлдем мектепке бармайды деген сөз емес. 1-2 сыныптар әдеттегіндей дәріс алатын болады екен. Бірақ санитарлық талаптар қатаң сақталатын болады.
«Әр сыныпта он бес оқушыдан аспау керек. Және әрбір оқушы бір партаға бір орындықпен отырады. Бір күнде 40 минуттан төрт-ақ сабақ болады. Үзіліс кезінде дезинфекция жасалып тұрады», - деді Алматы қаласының бас санитары.
Сондай-ақ онлайн-брифингте Алматы қаласында 800-ден аса бала пневмониямен ауруханаға түскені айтылды. Жыл сайын күзде тұмауға шалдығатындардың 48 пайызы 14 жасқа дейінгі балалар деген Бекшин, профилактикалық шаралардың күшейтілетінін айтты.
Фото: dalanews.kz
Байланысты жаналықтар
MalimBlocks
«Абай» баспасынан шыққан 35 кітаптың тұсауы кесілді
28 қараша күні Ұлттық кітапханада «Абай» баспасы шығарған 35 кітаптың тұсаукесер рәсімі өтті. Кітаптың әр данасы – 1000 тиражбен шыққан. Аталған баспаның құрылтайшысы әрі директоры Ақберен Елгезек 35 мың дана кітапты басып шығаруға ешқандай мемлекет қаржысы жұмсалған жоқ дейді.