Маңғыстау облысындағы «КаспийЦемент» ЖШС жұмысшыларының еңбекақыны өсіру туралы талабы орындалды, деп хабарлайды Malim.kz тілшісі. Осыдан үш күн бұрын Маңғыстау облысының Шетпе кентіндегі компания жұмысшылары басшылыққа талап қойып, еңбекақы көлемін 60 пайызға дейін өсіру туралы талап қойған еді. Алайда басшылық олардың талабымен бірден келіспей, жүз елуден астам жұмысшы назарылық білдіріп, түнімен мекеме алдында ереуілде тұрды.
«Инфляция деңгейінен мардымсыз айлық еңбекақымыз ештеңеге жетпейді» деген жұмысшылар президентке де үндеу жолдаған. Алайда олармен кездескен кәсіпорын басшылары «талапты құрылтайшыларға жеткізіп, шешімін қарастырады» деген еді. Бірақ жауапты ұзақ күткен жұмысшылар соңынан «талабымыз орындалмады» деген болатын.
Дегенмен араға бір күн салып «КаспийЦемент» ЖШС қызметкерлері ереуілді тоқтатты. Олардың еңбекақысына 48 мың теңге қосылып, 100 мың теңге көлемінде бір реттік ақша беретін болыпты. Сонымен бірге, жыл соңында он үшінші айлық төлеу де шешімін тапқан.
«КаспийЦемент» ЖШС құрылтайшысы HeidelbergCement компаниясы Қазақстанда 2005 жылдан бері жұмыс істеп келеді. Маңғыстауда, Шығыс Қазақстан облысында, Астанада, Шымкентте бөлімшелері бар.
Әліби Ерқосай, Ақтау қаласы
MalimBlocks
