Голливуд актері Эрик Робертс Астанада жүр (ВИДЕО)
Оның қасында белгілі продюсер, режиссер Еркін Ялгашев те байқалды
Астанада белгілі америкалық киноактер Эрик Робертстің жүрген бейнежазбасы тарады, деп хабарлайды Malim.kz.
Бейнежазба әлеуметтік желілерде жарияланған. Ондағы ақпарат бойынша, ол Қазақстанға Ұлттық спорт қауымдастығының шақыруымен келген болуы мүмкін. Ал өзінің Ұлттық музейді тамашалап жүргені байқалады.
Оның қасында АҚШ-та продюсер, режиссер, актер, сценарист ретінде жақсы танылған әрі каратэден бірнеше дүркін әлем чемпионы болған жерлесіміз Еркін Ялгашевтің жүргені де көрінеді.
Эрик Робертс – танымал америкалық кино және телевизия актері, «Оскар» және «Алтын глобус» сыйлықтарының номинанты. Актерлық ғұмырында 700-ден астам фильм мен телехикаяда ойнаған.
Фото: kinoafisha.info
