Бүгін Астанада қалалық алаң, EXPO аумағы, «Қазақ елі» монументінің алаңы, «Бәйтерек» монументі алаңы, Орталық парк және қаланың шеткі аумақтарында Наурыз – береке бастауы іс-шаралары ұйымдастырылса, Халықаралық көрме орталығында көшпелі өркениет фестивалі және Ататүрік саябағында «Қош келдің, Әз-Наурыз» театрландырылған қойылым, қаланың орталық алаңында «Рухты тіл, қазыналы дәстүр» бесік жыры байқауы өтеді.
Сондай-ақ, Қуыршақ театрында, Музыкалық жас көрермен театрында, Жастар сарайында түрлі қойылым қойылады.
Ал Алматыда 21 наурыз күні сағат 11:00-де «НАУРЫЗ – БЕРЕКЕ БАСТАУЫ» мерекелік концерті Астана алаңында өтеді.
Сондай-ақ, 21 наурыз сағат 11:00-де Т. Жүргенов атындағы Қазақ ұлттық өнер академиясының аумағында және 12:00-де Абай атындағы алаңда (Республика Сарайының алды) концерт ұйымдастырылады.
Сонымен қатар, 21-22 наурыз күндері Астана алаңында сағат 19:00-ден 22:00-ге дейін танымал әртістердің қатысуымен концерт өтеді. Арбатта (Панфилов-Жібек жолы көшесі) Наурыз мейрамына арналған ойын-сауық-танымдық бағдарламалар ұйымдастырылады.
ФОТО: Алматы әкімдігі
