Өскеменде қала әкімі караокемен ән шырқап, жұртты таңғалдырды (ВИДЕО)
Қалада Контитуция күні мен қала күніне орай бірнеше шара ұйымдастырылған
Өскемен қаласының әкімі Жақсылық Омар Конституция күніне орай караокемен ән айтып, жұртты таңғалдырды, деп хабарлайды Malim.kz.
Қалада Республика алаңында Конституция және қала күніне арналған үлкен концерт өткен болатын. Шаһар басшысы сол концертте караокемен «МузАрт» тобының орындауында танылған «Сен келерсің бір күні» әнін орындап берген. Шенеуніктің мұндай ерекше қырын куәгерлер бейнебаянға түсіріп, әлеуметтік желіде таратып жатыр.
Салтанатты концерттен бөлек, алаңға жиылған жұртшылыққа спорттық шаралар, балаларға арналған түрлі қызықты бағдарламалар ұсынылған.
Сонымен бірге, қарбыз фестивалі ұйымдастырылып, өңірдің колөнер шеберлері де өз туындыларын көрмесін ұйымдастырған.
Фото: instagram/zhaksylyk_omar
