Қаламгерлер билік пен халық арасындағы дәнекер қауымға айналуы тиіс

Одақ жұмысы сол дәстүрге сай жалғасуы, дамуы тиіс дейді бүгінгі қаламгерлер.

Malim Админ

  • 22.05.2023

Қазақстан Жазушылар одағы – еліміздегі ең ірі және алғашқы құрылған қоғамдық ұйым. Қасиетті қара шаңырақтың 90 жылдық тарихы бар. Бейімбет Майлин, Ілияс Жансүгіров пен Сәкен Сейфуллин секілді ұлылардың табаны тиген Одақ жұмысы сол дәстүрге сай жалғасуы, дамуы тиіс дейді бүгінгі қаламгерлер.

– Мен бірнеше құрылтайға қатыстым. Олжас Сүлейменовтің, Әнуар Әлімжановтың, Қалдарбек Найманбаевтың кезінен құлағымызды түріп жүрдік. Біздің рухани мекеніміз секілді, қалам ұстаған қазақтың баласы сол жерге баруды өзіне қасиетті борыш санайтын еді, – дейді ақын, халықаралық «Алаш» әдеби сыйлығының лауреаты Ғалым Жайлыбай.

Қаламгерлер үшін қашанда еңбегінің бағаланғаны, кітабының жарыққа шыққаны, оқырманымен шығармашылық байланыста болғаны аса маңызды. «Бұл бағытта Одаққа түсер салмақ пен жауапкершіліктің жүгі ауыр» дейді «Қазақ әдебиеті» газетінің бас редакторы Дәурен Қуат.

– Қолына қалам ұстаған ақын-жазушылар өз шығармалары арқылы әдебиетке үлес қосуы керек. Қазір  900-ге жуық ақын-жазушы бар екен. Олар танылып жатса, жақсы шығармалар шығып жатса, ол да Одақтың ортақ жеңісі деп есептеймін, деді «Қазақ әдебиеті» газетінің бас редакторы Дәурен Қуат.

Төл әдебиетімізді заман талабына сай жаңғыртып, көкжиегін кеңейте түсу – маңызды міндет. Бұл – ел Президенті Қасым-Жомарт Тоқаев қойған басты тапсырма. «Ұлттық мәдениетті, әдебиетті жаңғырту арқылы Мемлекет басшысы қойған межеге жету мүмкіндігі көп»,- дейді қоғам зиялысы Қали Сәрсенбай.

– Кейінгі кезде еңбекті бағалау, еңбек адамына құрмет көрсету сияқты  жақсы үрдіс жалғасын тауып жатыр. Бұрынғы жүйеден алатын жақсылық – осы. Ұлттық құндылықты жаңғыртуымыз керек. Сонда ғана реформалардың нәтижесін көре аламыз, деді Қазақстанның Еңбек сіңірген қайраткері Қали Сәрсенбай

Қазақ халқы – сөзге, уәдеге тоқтаған ел. Әділ Қазақстан құрамыз десек, ұлттық идеологиямызды күшейту керек. Бұл – жазушы, Қазақстанның еңбек сіңірген қайраткері Сәуле Досжанның пікірі.

– Референдумнан кейін көп өзгеріс болды. Жер дауы, жесір дауы – қазақтың бітіспес дауы. Ол сол мәселені шешті. Біз билікті қолдауымыз керек, ауызбірлік болуы керек. Президент біреу, қалғанымыз тіреу болуымыз керек, деді Қазақстанның Еңбек сіңірген қайраткері, жазушы Сәуле Досжан.

Ел болып атсалысқан жаңа реформаның қабылданғанына алдағы айда бір жыл болады. «Десе де, Президент бекіткен саяси өзгерістер бір жылдық жұмыс емес. Ол - әр сала мамандарының қажырлы еңбегі мен сүбелі нәтижесінің жемісі»,- дейді көпшілік.

   

Байланысты жаналықтар

Бесеудің соты.  Әртістер тілсіз, Жазушылар одағы үнсіз!  

14.07.2023

«Әбден ескірген тәсілмен жүре беруге болмайды».  Думан Рамазан Жазушылар одағының төрағалығына кандидатурасын ұсынды   

03.05.2023

«Бір өкпесі бар сияқты...». Ұлықбек Есдәулет Ақберен туралы айтты 

05.04.2023

Жазушылар одағы неге сынала береді?

24.06.2022
MalimBlocks
Бесеудің соты.  Әртістер тілсіз, Жазушылар одағы үнсіз!  

Халықтың  қаны төгіліп, ел іші бүлінгенде қит етпегендер енді бас көтерер деймісіз?! 

«Әбден ескірген тәсілмен жүре беруге болмайды».  Думан Рамазан Жазушылар одағының төрағалығына кандидатурасын ұсынды   

Түкке қажеті жоқ жиындардың барлығын қысқартып, немесе басқаша, жаңаша форматта өткізуді ойластырып, жаңаша жұмыс істеуге көшу керек

«Бір өкпесі бар сияқты...». Ұлықбек Есдәулет Ақберен туралы айтты 

Ұлықбек Есдәулет Одақ төрағалығына қайта түсетінін мәлімдеді

Жазушылар одағы неге сынала береді?

Осылай кете берсе, бұл ұйымның болашағы жоқ