Қазақ ұлттық опера және балет театры 91 маусымын бастады
Жаңа маусым «Абай» опералық спектаклімен ашылды
Абай атындағы Қазақ ұлттық опера және балет театры өзінің 90 маусымын тарих бетіне өрнектеп, 91 маусымын бастап кетті, деп хабарлайды Malim.kz.
Мәдениет және ақпарат министрлігінің мәлімдеуінше, театрдың қос мерейтойы – қара шаңырақтың 90 жылдығы мен Ахмет Жұбанов-Латиф Хамидидің «Абай» опералық спектаклінің 80 жылдығы тұспа-тұс келген маусым, естен кетпес мереке сыйлаған.
Көрермен арасынан ұлтымыздың маңдайына біткен жарық жұлдыздары КСРО Халық әртісі және Мемлекеттік сыйлық иегері Бибігүл Төлегенова, Қазақ КСР Халық әртісі және Қазақ КСР Мемлекеттік сыйлығының иегері Раушан Байсейітова, Қазақстан және Татарстан Халық әртісі Нұржамал Үсенбаева және басқа опера мен балет майталмандары, Қазақстандағы дипломатиялық елшіліктердің қадірлі өкілдері табылды.
Абай атындағы Қазақ ұлттық опера және балет театры осылайша өзінің «Ғасыр алдындағы жаңа белесін» – 91-ші маусымын бастап кетті.
Фото: скриншот
Байланысты жаналықтар
MalimBlocks
