Мемлекеттік хатшысы және Саяси қуғын-сүргін құрбандарын толық ақтау жөніндегі мемлекеттік комиссияның төрағасы Қырымбек Көшербаев бастаған топ бүгін Саяси қуғын-сүргін құрбандарын еске алу күніне орай ел ауызында АЛЖИР атанып кеткен мұражай-мемориалды кешеніне барып, құрбандарды бір минут үнсіздікпен еске алып, рухтарына тағзым етіп, гүл шоқтарын қойды.
Сондай-ақ, Қ.Көшербаев мемлекет басшысы Қ.К.Тоқаевтың бастамасымен құрылған мемлекеттік комиссияның қызметі саяси қуын-сүргінге ұшырағандарды, тарихты зерделеу мен архивтік зерттеулер жүргізу екенін атап өтті. Оның айтуынша,
мемкомиссияның қызметін ұйымдастыру шеңберінде жобалық офис, екі кіші комиссия, 11 жұмыс тобы және 17 өңірлік комиссия құрылып, жұмыс істеп жатыр екен. Жұмыс топтары мен өңірлік комиссиялардың ғалымдары және сарапшылары жабық архив материалдарына рұқсат алып, белсенді зерттеу жұмысына кірісіпті. Оның тиімділігін қамтамасыз ету үшін базалық әдіснама бекітілді, жұмыс топтарының тақырыптық жоспарлары қалыптастырылды, жергілікті жерлерде архив құжаттарын іздеу және зерделеу мәселелері бойынша кездесу өткізіледі екен.
«Жазықсыз зардап шеккен саяси қуғын-сүргін және ашаршылық құрбандарын мәңгі есте қалдыру және тарихи әділеттілікті қалпына келтіру жөніндегі үлкен тарихи миссия және алдыңғы және болашақ ұрпақтар алдындағы жауапкершілік» деді Қ.Көшербаев.
Байланысты жаналықтар
MalimBlocks
