Ақтөбедегі тікұшақ апатынан зардап шеккендердің жағдайы айтылды
Оларға жарақат пен термиялық күйіктер диагнозы қойылған
Ақтөбе облысында әуе апатынан зардап шеккендердің жағдайы тұрақты ауыр, деп хабарлайды Malim.kz.
Облыстық көпсалалы аурухананың бас дәрігерінің орынбасары Азамат Тұрышевтің айтуынша, науқастарға түрлі жарақат пен термиялық күйіктер диагнозы қойылған.
Бірінің жағдайы бірнеше жарақат алған, 2 омыртқасы ығысқан, білегін күйік шалған. Екіншісінде төс сүйегі сынған, өкпесі аздап қысылған, қолдарының қары күйген.
Айта кетейік, Сарыарқа ауылында тікұшақтың құлауы туралы хабарлама 103-ке сағат 11.36-да келіп түскен. Бір жәбірленуші 103 келгенге дейін қайтыс болды.
Бұған дейін Мәртөк ауданында тікұшақтың қатты қарқынмен қонғанын жазған едік.
Фото: ТЖМ
