8 тамыз күні кешкі сағат 22:05-те Орлов шахтасының 10-шы кенқабатында түтін байқалды, деп хабарлайды Malim.kz T.me/KAZ_Minerals телеграмм-арнасына сүйене отырып.
Өнеркәсіптік қауіпсіздік талаптарына сәйкес түнгі ауысым қызметкерлері жер бетіне эвакуацияланды.
Тау-кен қазбаларын тексеру және түтіннің шығу көзін жою жұмыстарына тау-кен құтқару қызметі жұмылдырылды. Тексеру барысында түтін Monomatic бұрғылау қондырғысы орналасқан аумақта болғаны анықталды. Түтіннің шығу ошағы жедел жойылды. Зардап шеккендер жоқ.
Бұрғылау қондырғысына зақым келді. Алдын ала мәлімет бойынша, түтіннің шығуына электр кабелінің зақымдануы себеп болуы мүмкін. Оқиғаның нақты себептері мен мән-жайы анықталуда.
Шахта қалыпты режимде жұмыс істеп тұр.
