«Қасиет» медициналық орталығы ресми мәлімдемені Instagram парақшасында жариялады, деп хабарлайды Malim.kz.
Онда Ербол Айтуовтың отбасы мен жақындарына ауыр қазаға байланысты шынайы көңіл айтылды.
Клиникада айып тағылып жатқан дәрігер операция жасамағанын, сондай-ақ медициналық мекеменің лицензиясы жоқ деген ақпараттың шындыққа сәйкес келмейтінін мәлімдеді.
Орталық өкілдері тексерілмеген мәліметтерді, бұрмаланған ақпаратты және негізсіз айыптауларды таратудан бас тартуға шақырды.
«Қажет болған жағдайда барлық деректер мен мән-жайлар заңда белгіленген тәртіппен құжат жүзінде расталуы мүмкін», – деп мәлімдеді клиникада.
Бұған дейін Маңғыстау облыстық мәслихатының депутаты Ербол Айтуовтың пластикалық операциядан кейін қайтыс болғанын жазған едік.
