Күзде Қазақстанда пойыз билеті 20 пайызға қымбаттайды. Бұл туралы Көлік министрлігі хабарлады.
Жаңа тариф 1 қазаннан бастап күшіне енеді. Бағасы көтерілген билет бұл күнге 45 күн қалғанда – тамыз айының ортасынан бастап сатыла бастайды.
Көлік министрлігі баспасөз қызметі елімізде 14 теміржол тасымалдаушысы жұмыс істейтінін және жолаушылар пойызы 140 бағытта қатынайтынын айтты. Оның 62-сінде тариф қымбаттамақ.
Шенеуніктердің пайымдауынша, билет құнының өсуі қызмет көрсету сапасына тікелей әсер етеді, өйткені соңғы 10 жылда инфляция деңгейіне индекстеу шараларын қоспағанда, әлеуметтік маңызы бар салалардың тарифі бірде-бір рет өзгермеген.
«Пойыздарда көрсетілетін қызметтердің сапасын арттыру, сонымен қатар теміржолшылардың жалақысын көтеру жоспарланып отыр. Қазір біздің елде осы бағыттарда 2667 вагон жүреді, тозу деңгейі өте жоғары – 44%», - деп түсіндірді Көлік министрлігінің ресми өкілі Ләззат Стамғазиева.
«Тальгоның» бағасы шамамен 19 493 теңге, стандартты пойыздарда купе құны 19 653 теңге, плацкартта 12 871 теңге. Қала маңындағы пойыздарға билет құны 6 314 теңге болады.
Фото: Ашық дереккөзден
Байланысты жаналықтар
MalimBlocks
