Шымкент қаласы туристерді қабылдауға дайын
Шымкент қаласы туристерді қабылдауға дайын
Шымкент қаласында туристік автобустарға арналған тұрақтар ашылуда.
Бұл жобаны қалалық туризм басқармасы мен Шымкент қаласы полиция департаменті, қалалық жолаушылар көлігі және автомобиль жолдары басқармасы бірлесе жүзеге асырып отыр.
– Енді қалаға келген туристер рухани-мәдени орталық аумағында орналасқан автотұрақтарды лезде таба алады. Мұндай инфрақұрылымның қажеттілігі туралы қалалық туроператорлар көптен бері мәселе етіп көтерген еді. Қаланы туристер үшін жайлы ету мақсатындағы жұмыстар жалғасады, – дейді туризм басқармасының басшысы Олжас Шинтаев.
Туристік автобустарға арналған «Bus Stop» тұрақтары қала тұрғындары мен қонақтары үшін ең тартымды деген орындарда ашылуда. Алғашқы нүкте қаланың орталық бөлігі Әл-Фараби алаңында орналасқан. Мұнда келген туристер «Арбат» алаңы, «Shymkent Plaza» орталығымен таныса алады. Алдағы уақытта Бәйдібек би ескерткіші, Шымкент-Цирк, Наурыз алаңы, Дендросаябақ және Ордабасы алаңында да арнайы тұрақтар пайдалануға беріледі.
Қаланың туристік әлеуетін дамыту бағытындағы «Bus Stop» тұрақтары пилоттық жоба аясында іске асырылып отыр.
Байланысты жаналықтар
MalimBlocks
![](/images/article-img/600/24560-1725614329.jpeg)