Жетісу облысында «Жаркент-Қорғас» автомобиль жолы жөнделіп, ашылды
Жол облыстың 4 ауылы арқылы өтеді
Жетісу облысы Панфилов ауданында ұзындығы 32 шақырым болатын «Жаркент-Қорғас» автомобиль жолының негізгі бөлігі түрде ашылды, деп хабарлайды Malim.kz.
Облыс әкімдігінің мәлімдеуінше, «Нұр жолы» кеден бекетіне, «Қорғас» ХШЫО-ға, Алтынкөл станциясына, «Қорғас – Шығыс қақпасы» АЭА-ға баратын автокөліктер легі дәл осы жол арқылы жүреді.
Ұзындығы 32 км болатын «Жаркент-Қорғас» жолының бөлігі Панфилов ауданының Қырыққұдық, Ақкент, Ават, Атамекен ауылдары арқылы өтеді. Бұл жол өткен ғасырдың 60-70 жылдарында салынған.
Құрылыс жұмыстары осы жылдың шілдесінде басталып, 5 айда аяқталған.
Жоба аясында жол бойындағы елдімекендерде тротуар төселіп, жарықтандырылып, жаңа жол белгілері мен ақпараттық панельдер орнатылып, жол қозғалысының қауіпсіздігін қамтамасыз ету үшін белгілер қойылған.
Фото: Жетісу облысы әкімдігі
