Ақтөбеде полиция қызметкерлері әртіс әрі жауынгер Еркебұлан Тоқтарға көлік жүргізу кезінде қауіпсіздік белдігін тақпағаны үшін әкімшілік хаттама толтырды, деп хабарлайды Malim.kz.
Ол тәртіп сақшыларының әрекетіне қарсылық білдірмей, заң талаптарын қолдайтынын айтты.
«Керек емес. Бұл – заң. Қайта бұған қуанып тұрмын. Кім болсаң да, заң алдында бәрі тең. Полиция өз жұмысын атқарып жатыр. Мен өзім ойланбай қалыппын», – деді Еркебұлан Тоқтар.
Хаттама рәсімделгеннен кейін актер полиция қызметкерлеріне алғысын білдіріп, олармен бірге суретке түсті.
