Каспий теңізінде жер сілкінісі тіркелді. Әзербайжанның сейсмологиялық қызмет орталығының мәліметінше, эпицентрдегі магнитудасы 4,2 болған, деп хабарлайды Malim.kz.
Ақпаратқа сәйкес, жер сілкінісінің ошағы 74 шақырым тереңдікте орналасқан.
Жер асты дүмпулерін төрт елдің — Әзербайжан, Түрікменстан, Ресей және Армения тұрғындары сезген.
Әзербайжандағы Нефт Дашлары қаласы эпицентрге ең жақын елді мекен болды — ол 73 шақырым қашықтықта орналасқан.
26 сәуір күні таңертең осы өңірде магнитудасы 3,5 болатын тағы бір жер сілкінісі тіркелген.
Мамандардың айтуынша, 2026 жылдың сәуір айында Каспий теңізінде сейсмикалық белсенділік артқан. 14 сәуірде бірден үш жер сілкінісі болған, оның екеуінің магнитудасы 3,1, ал біреуінікі 3,8 болған.
