Алматы полициясы 6,5 млн теңгеден астам айыппұлы бар шетелдік көлік жүргізушісін ұстады, деп хабарлайды Malim kz.
Polisia.kz жазуынша, ол 189 рет жол ережесін бұзып, төленбеген айыппұлы 6,5 миллион теңгеден асқан.
Әкімшілік айыппұлдары төленбеген көлік тізгінін ұстаған жүргізушілерді анықтаумен айналысатын жергілікті полиция қызметінің қызметкерлері жалған мемлекеттік нөмірлері бар Zeekr автокөлігін тоқтатқан.
Аталған көлік Абай даңғылы мен Өтеген батыр көшесінің қиылысында тоқтатылды. Айыппұл бойынша берешек сомасы 6 миллион 696 мың теңгені құрады. Бұл негізінен жылдамдықты асыру, қоғамдық көлік жолағына шығып кету және белгілеу ережелерін бұзу салдарынан жиналған айыппұл. Көлік мамандандырылған айыппұл тұрағына қойылды, – деді Алматы қалалық ПД ЖПҚБ бастығының орынбасары Тимур Ноғайбаев.
Полицейлер азаматтарды жол қозғалысы ережесін бұзғаны үшін әкімшілік айыппұлдарды дер кезінде төлеп, жол қозғалысы ережелерін қатаң сақтауға үндейді.
Фото: Polisia.kz
