Алматылықтарды 2,5 млрд теңгеге алдап соққан құрылыс компаниясының ісі сотқа жолданды
Жалпы саны 300-ден астам адам жәбірленуші деп танылған
Алматыда құрылыс компаниясы басшыларының қатысуымен алаяқтық дерегі бойынша қылмыстық істі тергеп-тексеру аяқталды, деп хабарлайды Malim.kz.
Алматы қаласы прокуратурасының үйлестіруімен полиция департаменті бір фирма басшыларына қатысты басталған қылмыстық істі тергеп-тексеруді аяқтаған. Оған азаматтардың ұжымдық жолданымы негіз болған.
Компания басшылығы тұрғын үй кешендерінің құрылысына рұқсат құжаттарынсыз және үлескерлердің қаражатын тарту құқығынсыз 2022-2023 жылдар аралығында үш тұрғын үй кешеніндегі пәтерлерді сату сылтауымен азаматтардың ақшасын алдау жолымен жымқырғаны анықталды, деп жазылған прокуратура мәлімдемесінде.
Аталған іс бойынша 312 адам жәбірленуші деп танылып, жалпы шығын 2,5 млрд теңгеден асқан.
Жауапкершілігі шектеулі серіктестіктің 4 басшысы ұсталып, қазір қамауда отыр.
Тергеп-тексеру аясында жәбірленушілердің құқықтарын қалпына келтіру қамтамасыз етілді, ал қылмыстық іс мәні бойынша қарау үшін сотқа жолданды.
Фото: Жансерік Күзембай/Malim.kz
Байланысты жаналықтар
MalimBlocks
