Атырауда қайырымдылық ұйымы балаларға тыйым салынған материал таратқан
Прокуратура қайырымдылық мекемесіне айыппұл салды
Атырау қаласының прокуратурасы қайырымдылық ұйымдарының бірі арқылы діни араздықты насихаттайтын әдебиеттің таратылуын тоқтатты, деп хабарлайды Malim.kz.
Қала прокуратурасының мәліметінше, сарапшылардың қорытындысына сәйкес, кәмелетке толмағандар арасында таратылған материалдар Қазақстан аумағында пайдалануға тыйым салынған.
Атырау қаласының әкімшілік құқықбұзушылықтар жөніндегі мамандандырылған сотының шешімімен қайырымдылық мекемесі ӘҚБтК-нің 453-бабының 4-бөлігі бойынша кінәлі деп танылып, оған 516 880 теңге көлемінде әкімшілік айыппұл салынған.
Бұдан басқа, тиісті рұқсат құжаттарынсыз балаларды діни бағыттарда оқытып, пансионат ретінде қызметтерін атқарған. Осыған байланысты, қала прокуратурасының талап арызы негізінде 4 мекеменің мемлекеттік тіркеуінің күші жойылды. Сонымен қатар, барлық пансионат таратылды, деп жазды прокуратура.
Фото: gov.kz
Байланысты жаналықтар
MalimBlocks
