Еліміздің 10 өңірінде түрмелерге ықпал жасайтын қылмыстық топтар ұсталды
Барлығы 118 күдікті қолға түскен
Ішкі істер министрлігі Ұлттық қауіпсіздік комитетімен бірлесіп, прокуратура органдарының үйлестіруімен 21 қаңтарда мекемелерге есірткі жеткізу арнасын жолға қойып, бопсалаумен және криминалитетті қаржыландырумен айналысқан қылмыстық топтардың жолын кесу бойынша ауқымды операцияны аяқтады, деп хабарлайды Malim.kz.
Ішкі істер министрлігінің мәліметінше, жедел-тергеу әрекеттері бір уақытта елдің 10 аймағында жүрген. Жалпы іс-шаралар қылмыстық-атқару жүйесі мекемелеріндегі ахуалды тұрақсыздандырып, ұстау режимін бұзуға әрекет жасаған адамдарды анықтауға бағытталған.
Жедел әзірлеу барысында жолға қойылған схема бойынша әрекет ететін топтардың желісі құжатталды. Олардың қатарына бірнеше рет сотталған адамдар кірген. Барлығы 118 күдікті, оның ішінде қылмыстық ортаның 13 өкілі ұсталды. 100-ден астам тінту шаралары жүргізілді. Үш «Калашников» автоматы, екі травматикалық тапанша, әр түрлі калибрлі оқ-дәрі, 11 кг-нан астам есірткі, мобильді құрылғылар және заңсыз құжаттама тәркіленді, деді ІІМ ұйымдасқан қылмысқа қарсы күрес департаментінің өкілі Қуандық Алпыс.
Оның сөзінше, ұсталған адамдардың арасында алыс және жақын шетелдердің криминалитет өкілдері болғанын. Жедел іс-шаралар әлі де жалғасып жатыр.
Фото: видеодан скриншот
Байланысты жаналықтар
MalimBlocks
