Қызылордада мектеп оқушысын жезөкшелікке салған оқушыларға қылмыстық іс қозғалды

Қызылорда облысында мектеп оқушылары 16 жастағы қыз баланы қинап ұстап, есірткі беріп, жезөкшелікпен айналысуға мәжбүрлеген.

Malim Админ

  • 08.08.2024

Аталған жантүршігерлік оқиға туралы  "НеМолчи" қоғамдық қорының жетекшісі Дина Таңсәрі мәлімдеді.  
Баланың ата-анасы қоғам белсендісіне хабарласып, көмек сұраған көрінеді. 
«Бұл қыз - бір үйдің жалғызы. Ол ақпан айынан бері үйге келмеуді әдетке айналдырған. Әке-шешесі полицияға хабар бергенімен, полиция қызды іздеудің орнына ата-анасын тиісті құқығынан айырамыз деп қорқытумен болған. Шарасыз әке-шеше қызын өздері іздеуге көшкен. Баласы болса, байланысқа сирек шығып тұрған. Бірде «кафеде даяшы болып жүрмін», бірде «гүл дүкенінде сатушымын» деп видео жіберіп отырыпты. Әке-шешесі сол мекен-жайға барса, қыз жоқ болады. Қызды қинап ұстағандар ата-анасы шу көтермесін деп осылай істеуге мәжбүрлеген», - деп жазды Дина Таңсәрі. 
Мектеп оқушылары «айтатын болсаң, «көкелерімізге айтып әке-шешеңді өлтіртеміз» деп қызды қорқытумен болған. Сол себепті бала басындағы жағдайды ата-анасына айта алмаған. 
Қоғам белсендісіне жазылған хатта қыз баланы сыныптастары күштеп есірткі беріп, зорлап жүргенін көпшілігі білген. Оның ішінде мектеп директоры, мұғалімдер, учаскелік полиция хабардар болыпты. Алайда олардың ешқайсысы ешқандай шара қолдануға асықпаған.  
«Сыныптастары қыздан ірі көлемде ақша бопсалағаны кеше ғана мәлім болды. Әкелмесе шашын, қасын қырып тастайтындарын айтып қоқан-лоққы көрсеткен. Қыз досынан ақша сұрағаннан кейін құрбысы қыздың әке-шешесіне болған жағдайды толық айтып берген», - деп жазды Дина Таңсәрі. 
Оның сөзінше, сыныптастары қызды тұншықтырып, есірткі заттарын ішкізіп, түрлі әрекетпен азаптаған. Сондай-ақ, жезөкшелікпен айналысатындардың сайтына тіркеп, түскен ақшаны тартып алып отырған. Бұған қатысты өңірдің ПД тергеу амалдарын бастағанын хабарлады.
Фото: news.un.org

Байланысты жаналықтар

Петропавлда полициядан қашпақ болған жігіт көз жұмды

02.04.2025

Атырауда Ту ұстап, тұмшаланып суретке түскен тағы бір қызға үкім шықты

02.04.2025

Қызылорда облысында ер адам әйелін дәрігерден қызғанып, соққыға жыққан

25.03.2025

Қымбат сағаттар, көлік пен кортеж: Қызылорда облысының әкімі тағы да сынға ұшырады

21.03.2025

Алматыда жігіт қыздардың алдында мүшесін ұстап жүгіріп жүр

19.03.2025

Ішкі істер министрі Алматы әуежайында болған оқиғаға қатысты пікір білдірді

19.03.2025
MalimBlocks
Петропавлда полициядан қашпақ болған жігіт көз жұмды

Атырауда Ту ұстап, тұмшаланып суретке түскен тағы бір қызға үкім шықты

Атырауда Ту ұстап, тұмшаланып суретке түскен төртінші қызға үкім шықты

Қызылорда облысында ер адам әйелін дәрігерден қызғанып, соққыға жыққан

Қызылорда облысында, Тасбөгет кентінде ер адам қызғаныштан жұбайын соққыға жыққан

Қымбат сағаттар, көлік пен кортеж: Қызылорда облысының әкімі тағы да сынға ұшырады

ұл жолы аймақ басшысы Шиелі ауылына құны 41 миллион теңгеден басталатын Chevrolet Tahoe жол талғамайтын көлігімен келді

Алматыда жігіт қыздардың алдында мүшесін ұстап жүгіріп жүр

Ішкі істер министрі Алматы әуежайында болған оқиғаға қатысты пікір білдірді

Бұл дерек бойынша үш қылмыстық іс қозғалды