«Сақ болыңыздар». ҚМА қазақстандықтарға ескерту жасады
Шын ақшаны жалған ақшамен шатастырған бейнежазбалар таралды
ҚМА азаматтардың назарын валюталық операцияларды жүзеге асыру кезінде сақтық шараларын сақтауға шақырды, деп хабарлайды Malim.kz.
Желіде азаматтар шынайы ақшаны жалған немесе сувенирлік ақшамен шатастыратын бейнежазбалар таралып жатыр.
2024 жылдың басынан бастап Қазақстан аумағында айналымнан 2 мыңға жуық жалған банкнота алынып, қаржылық тұрақтылыққа елеулі қауіп төндірді. Жалпы алынған жалған ақшалардың сомасы 80 миллион теңгеден асты, делінген хабарламада.
Жалған банкнота жасаумен және сатумен айналысқан 8 адам сотталған. Олар 5 жылдан 6 жылға дейінгі мерзімге бас бостандығынан айырылған.
Мұндай жағдайларды болдырмау үшін ақшалай операциялар кезінде банкноталарды тексеріңіз. Ақша қағазының сапасына, қорғаныш элементтеріне (мөртаңбасы, микроэлементтер, белгілі бір жарықта көрінетін белгілері) және текстура мен шрифтіне назар аударыңыз, деп жазды агенттік.
Фото: Malim.kz
