СҚО-да лауазымды тұлғалар қызметкерлердің 2 млн теңге жалақысын ұстап қалған
Оны прокурорлар анықтап, жұмысшылардың құқын қорғады
Солтүстік Қазақстан облысының прокурорлары жүргізілген талдау аясында жұмысшылардың жалақысынан әлеуметтік төлемдерді негізсіз ұстау түрінде өрескел заңбұзушылықтарды анықтады, деп хабарлайды Malim.kz.
Облыс прокуратурасының мәлімдеуінше, Тайынша әлеуметтік қызмет көрсету орталығының лауазымды тұлғалары Еңбек кодексінің 115-бабының талаптарына қайшы, ынталандыру ақыларын төлеу үшін 20 қызметкерден 2 миллион теңге көлемінде жалақыны ұстап қалған.
Дәл осындай жұмысшылардың құқықтарының бұзылуы Олимпиадалық резервтегі дайындық орталығында, М.Жұмабаев ауданының балалар мен жасөспірімдер спорт мектебінде және облыстық әкімдіктің денсаулық сақтау басқармасында анықталған.
Прокурорлық қадағалау актісі бойынша кінәлі лауазымды тұлғалар тәртіптік жауапкершілікке тартылып, заңсыз ұсталған сомалар қайтарылды. Қабылданған шаралардың нәтижесінде 23 жұмысшының құқығын қорғауға мүмкіндік берілді, деп жазды прокуратура.
Жалпы, жыл басынан бері қадағалау органы 2462 қызметкердің конституциялық құқықтарын қорғаған.
Фото: Malim.kz
