АҚШ президенті Дональд Трамп Truth Social желісіндегі парақшасында өзін Венесуэланың уақытша президенті ретінде көрсеткен сурет жариялады, деп хабарлайды Malim.kz.
Жарияланған скриншот Wikipedia интерфейсіне ұқсайды. Онда Трамп 2026 жылдың қаңтарынан бастап Венесуэланың уақытша президенті қызметін атқарып отырғаны көрсетілген.
Айта кетейік, қазіргі уақытта Венесуэланың ресми уақытша президенті – Делси Родригес.
Еске салсақ, 3 қаңтарға қараған түні Каракас қаласында жарылыстар болған. Осыдан кейін Трамп АҚШ Венесуэлаға ауқымды соққылар жасағанын, ал ел президенті Николас Мадуро жұбайымен бірге ұсталып, елден әкетілгенін мәлімдеген еді.
