Маңғыстау облысында жолаушылар автобусы жол апатына түсті, деп хабарлайды Malim.kz.
Автобуста барлығы 50 адам болған. Жол апаты 16 қаңтар күні сағат 01:03-те «Доссор – Ақтау» тас жолында болған.
Алдын ала мәлімет бойынша Ақтау қаласынан Бейнеу ауылы бағытында келе жатқан көлік жүргізушісі рөлді басқара алмай, көлік аударылып кеткен.
Оқиға орнында төрт жолаушы қаза тауып, үш адам ауруханаға жеткізілді. Көлік құралын 41 жастағы жүргізуші басқарған.
Аталған жол-көлік оқиғасы фактісі бойынша Маңғыстау облысы Полиция департаменті барлық мән-жайларды анықтауға бағытталған қажетті тергеу шараларын жүргізуде.
Бұған дейін Шымкент–Алматы тасжолында көліктер соқтығысып, екі адам жарақат алған еді.
