Танымал әнші Мақпал Жүнісова қызы Мерейдің туған күніне ерекше тарту жасады, деп хабарлайды Malim.kz Skifnews.kz cайтына сілтеп.
Әнші Мерейге жаңа «Hyundai» маркалы автокөлік сыйға тартты.
«Екінші рет алып жатырмыз. Аллаға шүкір! Бірінші көлігі тозған жоқ. Бірақ туған күніне жаңартып, үш жыл бұрынғы темір тұлпарын бауырына сыйлап жатырмыз.
Осы күні 6-шы шілдеде туғандар жүз жасаңыздар!», - деп жазды Мақпал Жүнісова әлеуметтік желідегі парақшасында.
Желі қолданушылары қуанышты жаңалыққа жылы лебіздерін білдірді.
«Құтты болсын жақсылыққа мінсін», «Құтты болсын, қайда жүрсе жолы ашық болсын, туған күніне ерекше сыйлық екен , Мерейің бар үмітіңді ақтасын», «Туған күндеріңіз, жаңа тұлпар құтты болсыыын! Мерейдің қызық-қуанышын көріп, қолдаушысы болып жүре беріңіз», - деп жазды желі қолданушылары.
Фото: видеодан скрин
