Қазақстандық гимнаст Милад Карими Мысырдың Каир қаласында өтіп жатқан Әлем кубогының кезеңінде екінші мәрте жеңіске жетті, деп хабарлайды Malim.kz.
Карими кермеде жаттығу орындау бағдарламасында ең жоғары нәтижеге қол жеткізіп, төрешілерден 14,466 ұпай алды.
Екінші орынды Кипрлік Мариос Георгиу (14,066 ұпай), ал үшінші орынды Швейцариялық Ноэ Сейферт (13,866 ұпай) иеленді.
Айта кетсек, бұған дейін Карими еркін жаттығуларда да 1-орын алған болатын және жалпы есепте Әлем кубогының жеңімпазы атанды. Осылайша қазір оның еншісінде Әлем кубогының кезеңіндегі турнирлерде жеңіп алған 9 алтын медальі бар.
Фото: ҰОК
