Ақын, қоғам қайраткері Мұхтар Шаханов қазақ тілінің мемлекеттік тіл болып қалыптасуына қалай ықпал еткенін айтып берді, деп хабарлайды Malim.kz.
«Егер мен 1989 жылы орыстың тілі қазақ тілімен бірге мемлекеттік тіл боп кеткен кезде басқа депутаттар сияқты үндемей отыра бергенімде, билікке ашық түрде қарсы шығып, бүкіл елді көтереміз, мұның соңы 2-ші желтоқсан болады демегенімде, билік амалсыздан қайта қарамағанда, не болар еді? Қаулы қабылданып кетті, оны өзгерту түгіл, қайта дауысқа салудың өзі мұң болатын. Егер сонша жанұшырмағанымызда, орыс тілі мемлекеттік тіл болып қала берер еді. Менің жындылығымның арқасында ғана қазақ тілі мемлекеттік тіл болып қалды», - дейді Мұхтар Шаханов.
