Назарбаевтың жүрегіне ота жасалды.
Бұл туралы экс-президенттің баспасөз хатшысы Айдос Үкібай растады.
Ота туралы белгілі кардиохирург Юрий Пя мәлімдеді. Оның сөзінше, ота шұғыл болмаған. Оны өткен жылы жасау жоспарланған екен. Алайда тұңғыш президенттің жұмыс кестесіне байланысты кейінге шегерілген. Ота шамамен екі жарым сағатқа созылып, сәтті өтіпті. Қазір Назарбаевтың жағдайы тұрақты, өміріне қауіп жоқ дейді.
Дәрігерлердің айтуынша, егер оңалу процесі жоспар бойынша жүрсе, алдағы күндері медициналық орталықтан шығарылмақ.
Айдос Үкібай экс-президенттің жағдайы жақсы екенін айтты.
