Ақтау қаласы әкімінің орынбасары Серік Гусман қызметінен кетті. Әкімдіктің баспасөз қызметінің хабарлауынша, ол бұл орыннан өз өтініші бойынша босатылған. Әзірге оның тарапынан қандай қызметке баратыны айтылмады.
Бұл Нұрлан Ноғаев Маңғыстау облысының әкімі болып тағайындалғалы бері орнынан кеткен алғашқы шенеунік. Қазір коммуналдық шаруашылық, тұрғын үй инспекциясы саласына жауапты болған Серік Ғимыранұлының міндеті қала әкімінің орынбасары Ербол Ізбергеновке уақытша жүктелген.
Серік Гусманның орнына алда кімнің тағайындалатыны әзірге айтылмады. Оған жергілікті кадр тағайындала ма әлде еліміздің басқа өңірінен басқа біреу келетіні алдағы күндерде белгілі болмақ.
Әліби Ерқосай, Ақтау қаласы
