Әлеуметтік желі арқылы бала сатқандар ұсталды
Олар заңсыз әрекеттерін «surak.baribar» парақшасы арқылы іске асырған
Алматы облысында бала саудасымен айналысқан қылмыстық топ мүшелері құрықталды.
25 тамызда полицияға әлеуметтік желідегі «surak.baribar» парақшасында қылмыстық топ бала саудасымен айналысып жүруі мүмкін деген жедел ақпарат түскен. Олар заңсыз әрекеттерін кәмелетке толмағандар мен жаңа туған сәбилерді заңды түрде асырап алуға көмектесеміз деген желеумен іске асырады екен.
Үш күн бойы жүргізілген жедел-іздестіру іс-шараларының нәтижесінде Қызылорда облысынан келген 38 жастағы күдікті анықталды. Ол қаладағы дәмханалардың бірінде ақша алып жатқан жерінде ұсталып, қамауға алынды.
Кәмелетке толмағандарды сату дерегі бойынша қылмыстық іс қозғалып, қазір тергеу амалдары жүргізіліп жатыр.
Фото: mk-kz.kz
