Үкіметтік комиссияның мәліметінше, апатқа ұшыраған ұшақтың қара жәшігін оқитын шетелдік мамандар бүгін Ақтауға келмек.
Ұшақ құлаған жердің айналасында 4 мың шаршы метр аумақ қоршауға алынған.
Белгіленген жерден әрі қарай ешкімді де өткізбейді. Әскери қызметкерлер қоршап тұр.
Қара жәшік қылмыстық іске заттай айғақ ретінде тіркелді. Төтенше оқиға Қазақстан аумағында болғандықтан тергеу жұмыстарын қазақстандық мамандар жүргізіп жатыр. Бірақ қара жәшікті зерттеуге шетелдік мамандар да қатысады.
Фото: Маңғыстау облысы әкімдігі
